హైద‌రాబాద్‌లో భారీ వ‌ర్షం.. రేపు, ఎల్లుండి కుండ‌పోత‌..!

తెలంగాణ‌లో వ‌ర్షాలు విస్తారంగా కురుస్తున్నాయి.. ఇక‌, హైద‌రాబాద్‌లో మ‌ధ్యాహ్నం నుంచి ప‌లు ప్రాంతాల్లో భారీ వ‌ర్షం కురుస్తూనే ఉంది.. మ‌ధ్యాహ్నం కొన్ని ప్రాంతాల్లో.. సాయంత్రం మ‌రికొన్ని ప్రాంతాల్లో.. రాత్రికి ఇంకొన్ని ప్రాంతాల్లో అన్న‌ట్టుగా వ‌ర్షం దంచికొట్టింది.. ఇక‌, రాష్ట్రవ్యాప్తంగా మరో మూడు రోజుల పాటు విస్తారంగా వర్షాలు కురిసే అవకాశం ఉంద‌ని హైదరాబాద్‌ వాతావరణ కేంద్రం వెల్ల‌డించింది.. వ‌రుస‌గా మూడు రోజుల పాటు.. అంటే ఈ నెల 12, 13, 14 తేదీల్లో హైదరాబాద్‌లో భారీ నుంచి అతిభారీ వర్షాలు కురుస్తాయ‌ని హెచ్చ‌రించింది.. వ‌ర్షాలు ఎడ‌తెరిసి లేకుండా కురిసే అవ‌కాశం ఉంద‌ని పేర్కొంది వాతావ‌ర‌ణ‌శాఖ‌.. ఇక‌, వాతావ‌ర‌ణ‌శాఖ హెచ్చ‌రిక‌ల‌తో రాష్ట్ర విప‌త్తు నిర్వ‌హ‌ణ శాఖ అధికారులు అప్ర‌మ‌త్తం అయ్యారు.. జిల్లా యంత్రాంగాన్ని అప్ర‌మ‌త్తంగా ఉంచాల‌ని ఆయా జిల్లా క‌లెక్ట‌ర్ల‌కు ఆదేశాలు జారీ చేశారు.. అల్ప‌పీడ‌నం ప్ర‌భావంతో రాగ‌ల 4 రోజుల్లో విస్తారంగా వ‌ర్షాలు కురిసే అవ‌కాశం ఉండ‌గా.. రేపు, ఎల్లుండి కొన్ని ప్రాంతాల్లో భారీ నుంచి అతిభారీ వ‌ర్షాలు కురిసే అవ‌కాశం ఉంద‌ని.. ముఖ్యంగా.. ఉత్త‌ర‌, తూర్పు తెలంగాణ జిల్లాల్లో భారీ వ‌ర్షాలు ప‌డ‌తాయ‌ని వాతావ‌ర‌ణ శాఖ హెచ్చ‌రిస్తోంది.

-Advertisement-

Related Articles

- Advertisement -

Latest Articles

-Advertisement-