తెలుగు అకాడమీ స్కాం: ప్లాన్ చేసి.. పద్దతిగా కాజేసిన క్రమం ఇదే..

తెలుగు అకాడమీ నిధుల గోల్‌మాల్‌ కేసులో సైబర్‌ క్రైమ్‌ పోలీసులు కీలక పురోగతి సాధించారు. స్కామ్‌ కు పాల్పడ్డ ముఠాలోని పది మందిని అరెస్ట్‌ చేశారు. కేసులో పది మందిని ముద్దాయిలుగా పేర్కొన్నారు పోలీసులు. యూనియన్‌ బ్యాంక్‌ మేనేజర్‌ మస్తాన్‌వలీతో కుమ్మక్కై తెలుగు అకాడమీ డిపాజిట్లను నిందితులు కాజేశారు. ఈ ఏడాది జనవరి నుంచి స్కామ్‌కు పాల్పడినట్లు పోలీసులు గుర్తించారు. కమీషన్‌ ఎర చూపించి.. బ్యాంక్‌, అకాడమీ సిబ్బందిని ముగ్గులోకి దింపారు నిందితులు. గతంలోనూ ఈ ముఠా పలు స్కామ్‌లకు పాల్పడినట్లు తెలుస్తోంది.

సాయి కుమార్..

తెలుగు అకాడమీ స్కాంలో కీలక నిందితుడు సాయికుమార్ అని పోలీసులు పేర్కొన్నారు. గతంలో ఆంధ్ర ప్రదేశ్ మైనారిటీ వెల్ఫేర్ సొసైటీ ఫిక్స్డ్ డిపాజిట్లను సాయికుమార్ కొట్టేశాడు.. ఆంధ్ర ప్రదేశ్ హౌసింగ్ బోర్డ్ సంబంధించిన ఆరు కోట్ల రూపాయలను సాయికుమార్ కొట్టేశాడు. ఈ స్కాంపైన సీబీఐలో కూడా 2015 కేసు నమోదు అయింది. చెన్నైలోని నార్తరన్ కోల్ ఫీల్డ్ కు సంబంధించిన ఫిక్స్డ్ డిపాజిట్లను సాయికుమార్ కొట్టేశాడు. 25 కోట్ల రూపాయల గోల్ మాల్ పై సీబీఐ కేసు నమోదు అయింది. ఏడాది క్రితం నుంచే తెలుగు అకాడమీ నిధులను కొట్టాలని సాయికుమార్ ప్లాన్ చేశారు. వెంకట రమణతో కలిసి సాయికుమార్ ప్లాన్ చేశాడు. రాజ్ కుమార్ ను బ్యాంకు అధికారి పేరుతో అకాడెమీకి సాయికుమార్ పంపించాడు. రాజ్ కుమార్ ని బ్యాంకు ఉద్యోగం నమ్మి అకాడెమీ సంబంధించిన చెక్కులు రమేష్ అందజేశాడు. రమేష్ ఇచ్చిన చెక్ లతో పాటుగా అకాడమీ లెటర్స్ ని నకిలీ తయారుచేశాడు సాయికుమార్.. సంవత్సరానికి fd లను 15 రోజులకే పెట్టి సర్టిఫికెట్లు తీసుకొని సాయి కుమార్.. ఒరిజినల్ సర్టిఫికెట్లను సాయికుమార్ దగ్గర పెట్టుకొని నకిలీ fd లను రమేష్ కు ఇచ్చిన సాయికుమార్ . నకిలీ fd లను చూసుకోకుండానే అకౌంట్ సిబ్బంది భద్రపరిచింది. పదిహేను రోజుల తర్వాత fd లను విత్ డ్రా చేసిన సాయి కుమార్.. అంతకంటే ముందే అగ్రి సేన్ బ్యాంకుతో పాటు ఏపీ సొసైటీలో తెలుగు అకాడమీ పేరుతో నకిలీ అకౌంట్లను సాయికుమార్ తెరిచాడు. యూనియన్ బ్యాంక్ తో పాటుగా కెనరా బ్యాంకు నుంచి డబ్బులు విత్ డ్రా లెటర్ ఇచ్చిన సాయికుమార్. డ్రా చేసిన డబ్బులను సాయికుమార్ బ్యాంకు మళ్లించాడు. అగ్రసేన్ బ్యాంక్ నుంచి సొసైటీకి తరలించిన సాయికుమార్. సొసైటీ నుంచి 64 కోట్ల రూపాయలు సాయికుమార్ డ్రా చేశాడు. డ్రా చేసిన డబ్బులు 6 కోట్లు అందరికీ పంచగా.. మిగతా ఆరు కోట్లు అకౌంట్స్ అధికారి రమేష్ కి పంపినట్టుగా గుర్తించారు.

మస్తాన్ వలీ.. యూనియన్ బ్యాంక్ మేనేజర్

అకాడమీ డబ్బులు అత్తారింట్లో కీలక పాత్ర పోషించిన మేనేజర్ సాయికుమార్ అండ్ గ్యాంగ్ తో మస్తాన్ వలీ చేతులు కలిపారు. యూనియన్ బ్యాంకు జారీ చేసిన fd లను విత్ డ్రా చేసుకునేందుకు అనుమతి ఇచ్చినా మస్తాన్ వలీ. కార్వాన్, సంతోష్ నగర్ యూనియన్ బ్యాంకు మేనేజర్ గా మస్తాన్ వలీ పనిచేశాడు.. రెండు బ్యాంకుల నుంచి 55 కోట్ల రూపాయలను అగ్రసేన్ బ్యాంకు బదిలీ చేసేందుకు మస్తాన్ వలి అనుమతించాడు. సాయి కుమార్ ఇచ్చిన నకిలీ పత్రాలతో డబ్బులను బదిలీ చేసిన మస్తాన్ వలీ. డబ్బులను అగ్రసేన్ బ్యాంకు తరలించేందుకు పెద్ద మొత్తంలో సాయి కుమార్ లంచాలను ఇచ్చాడు.

రమేష్.. అకాడమీ చీఫ్ అకౌంటెంట్ అధికారి

ఫిక్స్డ్ డిపాజిట్లను పర్యవేక్షించే అధికారిగా రమేష్ వున్నారు.. రమేష్ చేతుల మీదుగానే అకాడమి సంబంధించిన ఆర్థిక లావాదేవీల వ్యవహారం నడుస్తుంది. డబ్బులు జమా ఖర్చులు మొత్తం కూడా రమేష్ చూసుకుంటారు. బ్యాంకు అధికారుల పేరుతో వచ్చిన రాజ్ కుమార్ ను రమేష్ గుడ్డిగా నమ్మారు. రాజ్ కుమార్ గత ఏడాది కాలం నుంచి సంబంధించిన చెక్కులు తో పాటు అధికారిక లెటర్స్ ఇచ్చిన రమేష్. బ్యాంకులో డబ్బులు డిపాజిట్ చేసిన తర్వాత పర్యవేక్షణ లేకుండా రమేష్ నిర్లక్ష్యం వహించాడు. రాజకుమార్ చేసిన నకిలీ fd లను చుసుకోకుండా రమేష్ భద్రపరిచారు. బ్యాంకులో డబ్బులు డిసెంబర్ నుంచి విత్ డ్రా అవుతున్నప్పటికీ రమేష్ పట్టించుకోలేదు. ఇటీవల కాలంలో ఆంధ్రాకి డబ్బులు పంపకాలు చేసే సమయంలో స్కాం బయటపడ్డది. రమేష్, రాజ్ కుమార్ ,సాయికుమార్ లు కలిసి నిధుల మళ్లింపు చేసినట్లుగా పోలీసులు గుర్తించారు. రమేష్ నిర్లక్ష్యానికి 64 కోట్ల రూపాయల డిపాజిట్లు దారి మళ్లినట్లు నివేదిక పొందుపరిచారు.

సత్యనారాయణ.. ఆంధ్రప్రదేశ్ మర్కంటైల్ కో-ఆపరేటివ్ సొసైటీ చైర్మన్

ఆంధ్రప్రదేశ్ లోని విజయవాడ కేంద్రంగా ఈ సొసైటీ పని చేస్తుంది. దీనికి సత్యనారాయణ రాజు చైర్మన్ గా వ్యవహరిస్తున్నారు. ఈ సొసైటీ ప్రజల నుంచి డిపాజిట్లను సేకరించి వ్యాపారం నిర్వహిస్తుంది. ఈ సొసైటీలో సాయికుమార్ తెలుగు అకాడమీ పేరుతో నకిలీ అకౌంట్లను తెరిచారు. సంవత్సరం క్రితమే సాయికుమార్ బ్యాంకు అకౌంట్ ను తెరిచాడు. అకౌంట్ తెరవడానికి ముందే సత్యనారాయణతో కుమ్మక్కైయ్యాడు. అగ్ర సేన్ బ్యాంకు నుంచి నిధులు వస్తాయని వాటిని డ్రా చేసుకునేందుకు అనుమతి ఇవ్వాలని సాయి కుమార్ ముందే చెప్పాడు. 64 కోట్ల రూపాయల నిధులను డ్రా చేసుకున్నందుకు కమిషన్ రూపంలో సాయి కుమార్ డబ్బులు ఇచ్చాడు. సత్యనారాయణకు సొసైటీ మేనేజర్ పద్మావతి సహకరించింది.

సాధన.. కెనరా బ్యాంక్ మేనేజర్

తెలుగు అకాడమీ డిపాజిట్ చేసిన డబ్బులను సాధన అగ్రసేన్ బ్యాంకు బదిలీ చేశారు. తెలుగు అకాడమీ పేరుతో అగ్రసేన్ బ్యాంక్ లో ఉన్న నకిలీ అకౌంట్ కి సాధన డబ్బులు ఇచ్చారు. నకిలీ అకౌంట్ అని తెలిసిన అగ్రసేన్ బ్యాంకు డబ్బులు ఇచ్చింది సాధన. డబ్బులను బ్యాంకు మళ్ళించేందుకు పెద్ద మొత్తంలో సాయి కుమార్ నుంచి కమిషన్ సాధన తీసుకొంది.

– Ramesh Vaitla

తెలుగు అకాడమీ స్కాం: ప్లాన్ చేసి.. పద్దతిగా కాజేసిన క్రమం ఇదే..
తెలుగు అకాడమీ స్కాం: ప్లాన్ చేసి.. పద్దతిగా కాజేసిన క్రమం ఇదే..
తెలుగు అకాడమీ స్కాం: ప్లాన్ చేసి.. పద్దతిగా కాజేసిన క్రమం ఇదే..
తెలుగు అకాడమీ స్కాం: ప్లాన్ చేసి.. పద్దతిగా కాజేసిన క్రమం ఇదే..
తెలుగు అకాడమీ స్కాం: ప్లాన్ చేసి.. పద్దతిగా కాజేసిన క్రమం ఇదే..

తెలుగు అకాడమీ స్కాం: ప్లాన్ చేసి.. పద్దతిగా కాజేసిన క్రమం ఇదే..
తెలుగు అకాడమీ స్కాం: ప్లాన్ చేసి.. పద్దతిగా కాజేసిన క్రమం ఇదే..
తెలుగు అకాడమీ స్కాం: ప్లాన్ చేసి.. పద్దతిగా కాజేసిన క్రమం ఇదే..
తెలుగు అకాడమీ స్కాం: ప్లాన్ చేసి.. పద్దతిగా కాజేసిన క్రమం ఇదే..
-Advertisement-తెలుగు అకాడమీ స్కాం: ప్లాన్ చేసి.. పద్దతిగా కాజేసిన క్రమం ఇదే..

Related Articles

Latest Articles