ఆసక్తికరంగా కార్గిల్ వార్ డ్రామా “షేర్షా” టీజర్

బాలీవుడ్ యంగ్ హీరో సిద్ధార్థ్ మల్హోత్రా ప్రధాన పాత్రలో నటించిన యాక్షన్ డ్రామా “షెర్షా”. ఈ చిత్రం కూడా ఓటిటి బాట పడుతుందనే వార్తలు గత కొంతకాలంగా హల్చల్ చేస్తున్నాయి. ఆ వార్తలకు తెర దించుతూ తాజాగా అమెజాన్ ప్రైమ్ లో సినిమా రిలీజ్ కానుందని ప్రకటించారు. ఈరోజు ఈ చిత్రానికి సంబంధించిన టీజర్ ను విడుదల చేశారు మేకర్స్. అమెజాన్ ప్రైమ్ వీడియో ఈ చిత్రం టీజర్‌ను ట్వీట్ చేస్తూ “మా హృదయాలలో ప్రేమ, ప్రైడ్, ఆనందంతో మేము షెర్షా కథను మీకు అందిస్తున్నాము” అని అన్నారు.

Read Also : నేను చాలా రిచ్: ఆర్. నారాయణమూర్తి

1999 కార్గిల్ యుద్ధంలో పరం వీర్ చక్ర అవార్డు గ్రహీత కెప్టెన్ విక్రమ్ బాత్రా జీవితం, ప్రయాణాన్ని ‘షెర్షా’లో చూపించబోతున్నారు. ఈ చిత్రంలో బాత్రా పాత్రను మల్హోత్రా పోషించనున్నారు. ‘పంజా’ ఫేమ్ విష్ణు వర్ధన్ దర్శకత్వం వహించిన ఈ చిత్రంలో కియారా అద్వానీ హీరోయిన్ గా నటించింది. కరణ్ జోహార్ ప్రొడక్షన్ బ్యానర్ ధర్మ ఎంటర్టైన్మెంట్, కాష్ ఎంటర్టైన్మెంట్ “షెర్షా”ను సంయుక్తంగా నిర్మిస్తున్నాయి. స్వాతంత్ర్య దినోత్సవానికి ముందు ఆగస్టు 12న ఈ చిత్రం ప్రీమియర్ అవుతుందని అమెజాన్ ప్రైమ్ వీడియో ప్రకటించింది.మరోవైపు1971 ఇండో-పాక్ యుద్ధం ఆధారంగా మరో దేశభక్తి చిత్రం “భుజ్: ది ప్రైడ్ ఆఫ్ ఇండియా” ఆగస్టు 13న డిస్నీ + హాట్‌స్టార్‌లో స్ట్రీమింగ్ కానుంది.

-Advertisement-

Related Articles

- Advertisement -

Latest Articles

-Advertisement-