‘వకీల్ సాబ్’పై రూమర్లు… క్లారిటీ ఇచ్చిన మేకర్స్

పవర్ స్టార్ పవన్ కళ్యాణ్ పవర్ ఫుల్ కమ్ బ్యాక్ మూవీ ‘వకీల్ సాబ్’. వేణు శ్రీరామ్ దర్శకత్వంలో తెరకెక్కిన ఈ చిత్రం గత శుక్రవారం (ఏప్రిల్ 9) విడుదలై ప్రేక్షకులతో పాటు విమర్శకులను కూడా మెప్పించింది. హిందీ బ్లాక్ బస్టర్ ‘పింక్’ రీమేక్ గా రూపొందిన ఈ చిత్రంలో పవన్ లాయర్ పాత్రలో నటించారు. ప్రస్తుతం వంద కోట్ల కలెక్షన్స్ వైపు పరుగులు పెడుతున్న ఈ చిత్రం త్వరలోనే ఓటిటిలో విడుదల కానుందనే రూమర్స్ మొదలయ్యాయి. తాజాగా ఈ రూమర్లకు చెక్ పెట్టారు మేకర్స్. ‘రూమర్లను నమ్మకండి. థియేటర్లోనే ‘వకీల్ సాబ్’ను చూడండి. ఇప్పట్లో ఏ ఓటిటి ప్లాట్ ఫామ్ లో ‘వకీల్ సాబ్’ విడుదల కాదు’ అని తెలుపుతూ పోస్టర్ ను విడుదల చేశారు. కాగా శృతి హాసన్ హీరోయిన్ గా నటించిన ఈ చిత్రంలో అంజలి, అనన్య, నివేదా థామస్, ప్రకాష్ రాజ్ లు ముఖ్యమైన పాత్రల్లో నటించారు. బోణీకపూర్ సమర్పణలో దిల్ రాజు ఈ చిత్రాన్ని నిర్మించారు.

-Advertisement-

Related Articles

- Advertisement -

Latest Articles

-Advertisement-