‘ఆర్ఆర్ఆర్’ రిలీజ్ మరోసారి వాయిదా!

ఎన్టీఆర్, రామ్ చరణ్‌ తో రాజమౌళి దర్శకత్వంలో రూపొందుతున్న ‘ఆర్ఆర్ఆర్’ సినిమా అనుకున్నట్లుగానే మరోసారి వాయిదా పడింది. కరోనా పాండమిక్ వల్ల ఇప్పటికే పలుమార్లు వాయిదా పడుతూ వచ్చిన ఈ సినిమా దసరా కానుకగా విడుదల అవుతుందని ప్రకటించినా అది సాధ్యం కావటం లేదు. రీ-షూట్ చేస్తున్నారు… గ్రాఫిక్ వర్క్ పూర్తి కాలేదు అంటూ పలు రకాల ప్రచారం సోషల్ మీడియాలో జరుగుతూ వస్తోంది. వాయిదా విషయాన్ని యూనిట్ ట్వీట్ చేస్తూ పోస్ట్ ప్రొడక్షన్ వర్క్ అక్టోబర్ 21కి పూర్తి అవుతుందని అయితే అందరూ భావిస్తున్నట్లు తమ సినిమా విడుదలను వాయిదా వేస్తున్నామంటూ రిలీజ్ డేట్ మాత్రం ప్రకటించలేక పోతున్నామన్నారు. థియేటర్లు నిరవధికంగా మూసివేయటమే అందుకు కారణమన్నారు. ప్రపంచ సినిమా మార్కెట్ చక్కబడిన తర్వాత వీలయినంత త్వరగా విడుదల తేదీని ప్రకటిస్తామంటున్నారు. ఈ సినిమా నుంచి విడుదలైన లుక్స్, పాటలు, మేకింగ్ వీడియోస్ ఇప్పటికే ప్రేక్షకుల్లో భారీ అంచనాలను పెంచాయి. మరి ఈ సినిమా విడుదల ఎప్పుడు ప్రకటిస్తారో చూద్దాం.

Related Articles

Latest Articles

-Advertisement-