ప్రియుడితో యువతి రొమాన్స్ ... వీడియో తీసి దారుణం

ప్రియుడితో కలిసి రిసార్టుకు వెళ్లిన యువతి అతడితో రొమాన్స్ చేస్తూ  ఎంజాయ్ చేసింది. వారిని గమనించి కొందరు యువకులు వీడియో తీసి బ్లాక్‌మెయిల్ చేశారు. ఆ వీడియోను అడ్డం పెట్టుకుని అనేకసార్లు ఆమెపై సామూహిక అత్యాచారానికి పాల్పడ్డారు. వారి వేధింపులు తాళలేక యువతి ఆత్మహత్యకు యత్నించిన ఘటన హర్యానాలోని గురుగ్రామ్‌లో చోటుచేసుకుంది. వివరాల్లోకి వెళితే.. గురుగ్రామ్‌కు చెందిన యువతి ప్రైవేట్ ఆస్పత్రిలో పనిచేస్తోంది. ఓ యువకుడితో కొంతకాలంగా ప్రేమాయణం నడుపుతోంది. మూడు నెలల క్రితం బాయ్‌ఫ్రెండ్‌తో ఓ రిసార్టుకు వెళ్లింది. అక్కడ ఓ గదిని ఆ ప్రేమ జంట అద్దెకు తీసుకున్నారు. గదిలో జరిగే తతంగాన్ని కిటికీలో నుంచి చూసిన ముగ్గురు =యువకులు దాన్ని రహస్యంగా సెల్‌ఫోన్లో రికార్డు చేశారు. ఆ తర్వాత వీడియోను యువతికి పంపి... సోషల్‌మీడియాలో పెడతామని బెదిరించారు. దాన్ని అడ్డం పెట్టుకొని అనేకసార్లు సామూహికంగా అత్యాచారం చేశారు. ఆ వీడియో బయటపడితే కుటుంబ పరువు పోతుందని భావించిన యువతి వారు పిలిచినప్పుడల్లా వెళ్లి ఆ కామాంధుల చేతిలో నలిగిపోయింది. నిద్రమాత్రలు మింగి ఆత్మహత్యకు యత్నించింది. దీంతో ఆమెను కుటుంబ సభ్యులు ఆస్పత్రికి తరలించి చికిత్స అందిస్తున్నారు. బాధితురాలి ఫిర్యాదుతో పోలీసులు ఇద్దరు నిందితులను అరెస్టు చేసి మరొకరి కోసం గాలిస్తున్నారు.