అసలు మనుషులేనా : ఆరేళ్ళ బాలికని చంపి, కాలేయం బయటకి లాగి మరీ !

అసలు మనుషులేనా : ఆరేళ్ళ బాలికని చంపి, కాలేయం బయటకి లాగి మరీ !

ఉన్న కొద్ది నేరాలకు రాజధాని గా మారుతున్న ఉత్తర ప్రదేశ్ లో మరో దారుణ ఘటన ఒకటి వెలుగులోకి వచ్చింది. క్షుద్ర పూజల కోసం ఒక ఆరేళ్ల బాలికను చంపి ఆమె కాలేయాన్ని బయటికి తీశారు దుండగులు. ఆమె శరీరాన్ని అక్కడ పడేసి కాలేయంతో పాటు మరి కొన్ని శరీర భాగాలను దొంగతనంగా తీసుకువెళ్లారు. సంచలనం కలిగిస్తున్న ఈ ఘటన ఉత్తరప్రదేశ్లోని కాన్పూర్ దగ్గర్లో చోటుచేసుకుంది. పోలీసులు చెబుతున్న వివరాల ప్రకారం కాన్పూర్ దగ్గర్లోని ఓ గ్రామంలో ఒక జంటకు పిల్లలు లేరు.

అయితే తమకు పిల్లలు పుట్టే యోగం కలిగించమని ఒక బాబాని ఆశ్రయించగా, అతను పిల్లల కోసం క్షుద్రపూజలు చేయాల్సి ఉంటుందని ఆ క్షుద్ర పూజల లో చిన్న పిల్లల కాలేయం అలాగే మరికొన్ని శరీరభాగాలు కావాలని చెప్పాడు. దీంతో ఏమాత్రం ఆలోచించిన జంట తమ గ్రామంలో  జులాయిగా తిరిగే ఒక ఇద్దరికీ వెయ్యి రూపాయలు ఇచ్చి తమ ఇంటి పక్కన ఉండే బాలికని చంపి ఆమె శరీర భాగాలు తీసుకురమ్మని పురమాయించారు. వాళ్ళు ఇచ్చిన వెయ్యి రూపాయలతో ఫుల్ గా మందు తాగిన ఇద్దరు దుర్మార్గులు ఆ బాలికను అపహరించి ముందుగా ఆమె మీద అత్యాచార యత్నం చేశారు.

అనంతరం ఆమె కడుపు చీల్చి కాలేయంతో పాటు మరి కొన్ని శరీర భాగాలను తీసుకుని ఆ దంపతులకి అప్పగించారు, అయితే ఈ దారుణ ఘటన వెలుగులోకి వచ్చిన వెంటనే గ్రామం అంతా ఈ వార్త దావానలంలా వ్యాపించింది. వెంటనే రంగ ప్రవేశం చేసిన పోలీసులు ఇప్పటికే నలుగురు నిందితులను అదుపులోకి తీసుకున్నారు. ఈ కేసుకి సంబంధించి మరికొంత మందిని అరెస్టు చేసేందుకు ప్రత్యేక బృందాలను నియమించారు.