సెకండ్ వేవ్ ఎఫెక్ట్: జర్మనీ, ఫ్రాన్స్ లో లాక్ డౌన్... 

ప్రపంచంలో కరోనా కేసులు తగ్గినట్టే తగ్గి మరలా విజృంభిస్తున్నాయి.  ముఖ్యంగా యూరప్ దేశాల్లో ఈ పరిస్థితి కనిపిస్తోంది.  యూరప్ లో రోజు రెండు లక్షలకు పైగా కేసులు నమోదవుతున్నాయి.  ఫ్రాన్స్, జర్మనీ దేశాల్లో పరిస్థితి మరింత దారుణంగా మారిపోయింది.  అత్యధిక కేసులతో పాటుగా ఆ దేశాల్లో మరణాల సంఖ్య పెరుగుతున్నది.  ఈ నేపథ్యంలో జర్మనీ, ఫ్రాన్స్ దేశాలు లాక్ డౌన్ ను విధించాలని నిర్ణయించాయి.  కొద్దిసేపటి క్రితమే ఈ రెండు దేశాలు ఈ నిర్ణయం తీసుకున్నాయి.    నాలుగు వారాలపాటు సంపూర్ణ లాక్ డౌన్ విధిస్తున్నట్టు అక్కడి ప్రభుత్వాలు స్పష్టం చేశాయి.  రాత్రి సమయంలో కర్ఫ్యూ విధించినా లాభం లేకపోవడంతో ఈ నిర్ణయం తీసుకున్నట్టు తెలుస్తోంది.