"హిట్‌" సీక్వెల్‌ పనిలో నాని.. విష్వక్ సేన్ ప్లేస్ లో మరో హీరో

"హిట్‌" సీక్వెల్‌ పనిలో నాని.. విష్వక్ సేన్ ప్లేస్ లో మరో హీరో

టాలీవుడ్ యంగ్ హీరో విశ్వక్ సేన్ ప్రధాన పాత్రలో నాచురల్ స్టార్ నాని నిర్మాతగా వచ్చిన సినిమా హిట్. ఈ సినిమాతో  శైలేష్ కొలను దర్శకుడుగా పరిచయం అయ్యాడు. ఈ సినిమా ఓ క్రైమ్ ఇన్వెస్టిగేటివ్ థ్రిల్లర్ గా రూపొందింది. విడుదలైన మొదటి రోజునుండే సినిమా పాజిటివ్ టాక్ తెచ్చుకోవడంతో కలెక్షన్లు భారీగానే రాబట్టి 'హిట్' సినిమా హిట్ అనిపించుకుంది. అయితే.. మొన్నటి వరకు ఈ సినిమాను హిందీలోనూ రీమేక్‌ చేస్తున్నారని సమాచారం వచ్చింది. ఈ నేపథ్యంలోనే మరో న్యూస్‌ వైరల్‌ అయింది. త్వరలో ఈ సినిమాకు సీక్వెల్‌ కూడా రాబోతుందని టాక్‌. ఇందులో హీరోగా మాత్రం విశ్వక్‌ సేన్‌ను పక్కకు పెట్టనున్నారట. విశ్వక్‌ ప్లేస్‌లో అడవి శేష్‌ కథానాయకుడిగా నటించబోతున్నాడు. మార్చిలో సెట్స్‌ మీదకు వెళ్లే ఈ సినిమాకు నాని నిర్మాతగా వ్యవహరించనున్నాడు. మొదటి భాగానికి దర్శకత్వం వహించిన శైలేష్‌ కొలను సీక్వెల్‌ను కూడా డైరెక్ట్‌ చేయబోతున్నాడు. అయితే.. దీనిపై మరి కొన్ని రోజుల్లో క్లారిటీ రానుంది.