పబ్జికి బానిసై ... ఆహారం తీసుకోవడం మానేసి... చివరకు ఇలా... 

పబ్జి గేమ్ యువకుల ప్రాణాలతో చెలగాటం ఆడుతున్నది.  పబ్జి గేమ్ ను ఆడటం మొదలుపెడితే  క్రమంగా దానికి బానిస కావాల్సి వస్తుంది.  ఫలితంగా జీవితాన్ని కోల్పోయే ప్రమాదం ఉంటుంది.  ఇటీవలే ఓ యువకుడు పబ్జికి బానిసయ్యి... తన తల్లిదండ్రుల అకౌంట్ ను ఖాళీ చేశాడు.  ఇలానే ఓ యువకుడు ఈ గేమ్ కు బానిసయ్యి ప్రాణాలు పోగొట్టుకున్నాడు.  ఈ సంఘటన  పశ్చిమ గోదావరి జిల్లాలోని జాజులకుంట గ్రామంలో జరిగింది.  

పబ్జికి బానిసైన యువకుడు ఆట మత్తులో పడి భోజనం చేయడం మానేశాడు.   కనీసం నీళ్లు కూడా తాగడం మర్చిపోవడంతో, కొన్నాళ్ల తరువాత అనారోగ్యం బారిన పడ్డాడు.  దీంతో తల్లిదండ్రులు ఆ యువకుడిని ఆసుపత్రిలో జాయిన్ చేసి చికిత్స అందించారు.  ఆహరం తీసుకోకపోవడంతో శరీరం డీహైడ్రేషన్ అయ్యిందని, డయేరియా బారిన పడినట్టు వైద్యులు తెలిపారు.  ఆసుపత్రిలో చికిత్స పొందుతూ ఆ యువకుడు కన్నుమూశాడు.  చేతికి అందివచ్చిన కొడుకు మరణించడంతో ఆ కుటుంబం తల్లడిల్లిపోయింది.