‘నాట్యం’ గీతం ‘స్వర్ణ కమలం’ను గుర్తు చేసిందన్న వెంకీ!

నాట్యం అంటే ఓ క‌థ‌ను డాన్స్ ద్వారా అంద‌మైన రూపంలో చెప్ప‌డ‌మే. అలాంటి ఓ అద్భుత‌మైన‌ కాన్సెప్ట్‌తో రూపొందిన చిత్రం నాట్యం. ఈ మూవీ ద్వారా ప్రముఖ కూచిపూడి డాన్సర్ సంధ్యారాజు నటిగా, నిర్మాతగా ప‌రిచ‌యమవుతున్నారు. రేవంత్ కోరుకొండ ఈ చిత్రానికి దర్శకత్వం వహిస్తున్నారు. ఇప్ప‌టికే ఈ మూవీకి సంబంధించిన ఫ‌స్ట్‌లుక్ పోస్ట‌ర్, టీజ‌ర్‌ విడుదలయ్యాయి. అలానే నందమూరి బాలకృష్ణ ఈ మూవీలోని ఫస్ట్ సాంగ్ ‘నమః శివాయ’ను రిలీజ్ చేశారు. తాజాగా విక్టరీ వెంకటేశ్ చేతుల మీదుగా చిత్ర బృందం రెండో పాట ‘పోనీ పోనీ’ని విడుదల చేయించింది.

ఈ సంద‌ర్భంగా వెంకటేష్ మాట్లాడుతూ, ”’నాట్యం’ సినిమా నుంచి ఈ ‘పోనీ పోనీ’ సాంగ్ రిలీజ్ చేయడం ఆనందంగా ఉంది. విలక్షణ కథకు ఎమోషన్స్ కలగలిపి దీనిని రూపొందించారు. చాలా చక్కగా డాన్స్ చేశారు. చూస్తుంటే ‘స్వర్ణ కమలం’ మళ్ళీ గుర్తొస్తోంది. అందమైన లొకేషన్స్‌లో ఎంతో అందంగా చిత్రీకరించారు. డాన్స్ బ్యాక్ డ్రాప్‌లో సినిమా రాక చాలా రోజులైంది. చిత్ర యూనిట్ మొత్తానికి ఆల్ ది బెస్ట్” అని అన్నారు.

Read Also : ఆకట్టుకుంటున్న ‘పుష్ప’రాజ్ లవర్ శ్రీవల్లి లుక్

సంధ్యారాజు మాట్లాడుతూ, ”ఈ సాంగ్ నాకు చాలా స్పెషల్. ఎందుకంటే ఇది మా మూవీలో చాలా ముఖ్యమైన ఎమోషనల్ సాంగ్. ‘స్వర్ణ కమలం’ మూవీ చూసి చూసి ఆ టేప్ అరిగిపోయి ఉంటుంది. ఈ సినిమాలో భాగమవడం ఓ ఆశీర్వాదంలా ఫీల్ అవుతున్నా. ఈ సినిమాలో భానుప్రియ గారు నా తల్లి పాత్రలో నటించారు. అలాగే ముఖ్యమైన సాంగ్ వెంకటేష్ లాంచ్ చేశారు. ఇవి నా జీవితంలో ఎప్పటికీ మరవలేని క్షణాలు” అని చెప్పారు. డైరెక్టర్ రేవంత్ మాట్లాడుతూ.. ”ఈ మూవీ చేయడానికి ‘స్వర్ణ కమలం’ నన్ను ఇన్స్పైర్ చేసింది. టాలీవుడ్‌లో వెంకటేశ్ గారు గ్రేట్ యాక్టర్. ఎమోషన్, కామెడీ, ఫైట్స్ ఇలా ఏ క్యారెక్టర్ లో అయినా ఆయన లీనమైపోతారు. మా కాలేజీలో ఒక్కొక్కరూ ఒక్కో హీరోకు ఫ్యాన్. కానీ వెంకటేశ్ గారి సినిమా విడుదలైందంటే మేమంతా కలిసి వెళ్లే సినిమా అదే అవుతుంది” అని అన్నారు. ఈ సంగీత ప్రధాన చిత్రానికి శ్రావణ్ భరద్వాజ్ సంగీతాన్ని సమకూర్చారు. అక్టోబర్ 22న ‘నాట్యం’ సినిమా థియేటర్లలో విడుదల కానుంది.

-Advertisement-'నాట్యం' గీతం 'స్వర్ణ కమలం'ను గుర్తు చేసిందన్న వెంకీ!

Related Articles

Latest Articles