మరో వివాదంలో శంకర్… చరణ్ కు తప్పని తిప్పలు

సంచలన దర్శకుడు శంకర్ ఇటీవల కాలంలో వరుస వివాదాల కారణంగా వార్తల్లో నిలుస్తున్నారు. రామ్ చరణ్, శంకర్ కాంబినేషన్ లో “ఆర్సి15” అనే పాన్ ఇండియా సినిమాను ప్రకటించిన విషయం తెలిసిందే. సెప్టెంబర్ 8 నుండి షూటింగ్ ప్రారంభం కానున్న రామ్ చరణ్ సినిమాపై కాపీ ఆరోపణలు వచ్చాయి. దీంతో శంకర్ ఇప్పుడు కొత్త ఇబ్బందుల్లో పడ్డాడు. ఈ మేరకు శంకర్ పై ఫిర్యాదు చేస్తూ చెన్నైలో ఉన్న ప్రొడక్షన్ ఎగ్జిక్యూటివ్ చిన్నసామి సౌత్ ఇండియన్ ఫిల్మ్ రైటర్స్ అసోసియేషన్ (SIFWA)ని సంప్రదించాడు. అతను తన స్క్రిప్ట్‌ను శంకర్, కార్తీక్ సుబ్బరాజ్ దొంగిలించారని పేర్కొన్నాడు. అయితే శంకర్ కూడా ఆ ఆరోపణలను నిజం కాదని నిరూపించడానికి ముందుకొచ్చారు. రెండు పార్టీలు తమ స్క్రిప్ట్‌లను సమర్పించారు. ఇప్పుడు SIFWA ఈ విషయంపై దర్యాప్తు చేస్తోంది. గతంలో విజయ్ కోసం చిన్నసామి ఈ స్క్రిప్ట్ రాశాడట. కానీ ఆ ప్రాజెక్ట్ కార్యరూపం దాల్చలేదు. శంకర్, కార్తీక్ సుబ్బరాజ్ ఈ చిత్రానికి స్క్రిప్ట్ కోసం పని చేసారు. అతని స్క్రిప్ట్ ఇప్పుడు శంకర్ చేతిలో తనకు తెలియకుండానే వచ్చిందని ఆరోపించారు. రచయిత సంఘం ప్రస్తుతం రెండు స్క్రిప్ట్‌లను పరిశీలిస్తోంది. “ఆర్సీ15” యాక్షన్‌తో నిండిన సామాజిక డ్రామా.

Read also : మణిరత్నంపై కేసు నమోదు

మరోవైపు శంకర్ తదుపరి భారీ బడ్జెట్ చిత్రం “ఇండియన్ 2” అనేక కారణాల వల్ల ఆగిపోయింది. ఈ సమస్యను పరిష్కరించడానికి మేకర్స్ మద్రాస్ హైకోర్టును ఆశ్రయించారు. శంకర్ ఇటీవల రణ్‌వీర్ సింగ్‌తో “అన్నీయన్” రీమేక్‌ను ప్రకటించాడు. సినిమా అసలు నిర్మాత ఎస్ థాను రీమేక్ హక్కులను తాను సొంతం చేసుకున్నానని, తన అనుమతి లేకుండా రీమేక్ ప్రకటించినట్లు మండిపడడం చర్చనీయాంశమైంది. ఇప్పుడు “ఆర్సీ15”. మరి ఈ వివాదాలన్నింటి తేల్చుకుని, వాటి నుంచి బయటపడి శంకర్ తన నెక్స్ట్ మూవీని ఎప్పుడు ప్రారంభిస్తారో చూడాలి.

Related Articles

Latest Articles

-Advertisement-