పావురం కాలికి చైనా ట్యాగ్… అసలు ఏం జరుగుతోంది?

ప్రేమకు చిహ్నమైన పావురాళ్లు రహస్య రాయబారం కూడా మోస్తుంటాయి. అయితే ఒడిశాలో పావురాలకు చైనా ట్యాగ్స్ కనిపిస్తుండటం అధికారులను ఆశ్చర్యపరుస్తోంది. వివరాల్లోకి వెళ్తే… సుందర్‌గఢ్ రాజ్‌గంగ్‌పూర్ పోలీస్ స్టేషన్ పరిధిలోని కాంస్‌బహాల్ గ్రామంలో గాయంతో ఓ పావురం కిందపడిపోయి గిలగిల కొట్టుకుంటుండగా… ఓ వ్యక్తి ఆ పావురాన్ని కాపాడేందుకు ప్రయత్నించాడు.

Read Also: కరోనా థర్డ్ వేవ్.. వారంలో 400 శాతం పెరిగిన కరోనా కేసులు

ఈ క్రమంలో పావురం కాలికి పచ్చకట్టు ఉండటం సదరు వ్యక్తి గమనించాడు. అనుమానం వచ్చి ఆ కట్టుకును విప్పి చూడగా చైనా ట్యాగ్ కనిపించింది. దానిపై చైనీస్ భాషలో ఏదో కోడ్ రాసి ఉంది. దీంతో అతడు పోలీసులకు సమాచారం అందించాడు. పోలీసులు ఆ పావురాన్ని స్వాధీనం చేసుకుని విచారణ చేపట్టారు. మరోవైపు పూరీ జిల్లా హరేకృష్ణపూర్ పంచాయతీలోనూ ఓ పావురానికి చైనా ట్యాగ్ కనిపించింది. దీంతో పావురాలకు చైనా ట్యాగులు కనిపిస్తుండటంపై అధికారులు అప్రమత్తమయ్యారు. సరిహద్దుల్లో చైనా కుట్రలు పన్నుతున్న వేళ… పావురాల ద్వారా చైనా ఏం చెప్పాలనుకుంటుందో అర్థం కావడం లేదని పలువురు అనుమానం వ్యక్తం చేస్తున్నారు. ఇప్పటికే కరోనా వైరస్‌ను ప్రపంచమంతా పాకించి అస్తవ్యస్తం చేసిన చైనా ఇప్పుడు మళ్లీ ఎలాంటి కుట్రలకు పాల్పడుతుందో అంటూ కామెంట్లు చేస్తున్నారు.

Related Articles

Latest Articles