పూజా కార్యక్రమాలతో మొదలైన నిఖిల్ కొత్త సినిమా!

యంగ్ హీరో నిఖిల్ కెరీర్‌లో 19వ చిత్రాన్ని ప్రముఖ ఎడిటర్ గ్యారీ బీహెచ్ (‘గూఢచారి, ఎవరు, హిట్’) డైరెక్ట్ చేయబోతున్నాడు. రెడ్ సినిమాస్ ప‌తాకంపై కె. రాజశేఖర్ రెడ్డి ఈ చిత్రాన్ని నిర్మిస్తున్నారు. చరణ్ తేజ్ స‌హ నిర్మాత‌గా వ్య‌వ‌హ‌రిస్తున్నారు. శుక్రవారం ఈ చిత్రం పూజా కార్య‌క్ర‌మాల‌తో లాంఛ‌నంగా ప్రారంభ‌మైంది. ప్ర‌ముఖ నిర్మాతలు శరత్ మరార్, జెమినీ కిరణ్, దర్శకుడు శ్రీకాంత్ అడ్డాల ప్రారంభోత్సవానికి హాజరయ్యారు. వారి చేతుల మీదుగా స్క్రిప్ట్‌ను చిత్ర యూనిట్‌కు అందించారు. సినిమా సక్సెస్ అవ్వాలని విషెస్ తెలిపారు.

Read Also : సమంత ఆవేదన

ఈ సినిమా ముహుర్తం షాట్‌కు గ్యారీ బీహెచ్ దర్శకత్వం వహించగా, నిర్మాత రాజశేఖర్ రెడ్డి క్లాప్ కొట్టారు. ఆయన కుమార్తె, కొడుకు ఈశన్వి, ధృవ్ కెమెరా స్విచ్ ఆన్ చేశారు.ఇంకా పేరు నిర్ణయించని ఈ సినిమాలో నిఖిల్ సరసన ఐశ్వర్యా మీనన్ హీరోయిన్ గా నటిస్తోంది. నిఖిల్ మొదటిసారి ఈ సినిమాలో గూఢచారి పాత్రను పోషించబోతున్నాడు. డైరెక్టర్ గ్యారీ బీహెచ్ స్వతహాగా ఎడిటర్‌ కావడంతో ఈ సినిమాకు ఎడిటింగ్ బాధ్యతలను అతనే తీసుకున్నాడు. మనోజ్ రెడ్డి సినిమాటోగ్రాఫర్ కాగా, శ్రీచరణ్ పాకాల సంగీతాన్ని అందిస్తున్నాడు. అనిరుధ్ కృష్ణమూర్తి ఈ చిత్రానికి రచయిత. అర్జున్ సురిశెట్టి ఆర్ట్ డైరెక్టర్‌గా, రవి ఆంటోని ప్రొడక్షన్ డిజైనర్‌గా వ్యవహరిస్తున్నారు.

-Advertisement-పూజా కార్యక్రమాలతో మొదలైన నిఖిల్ కొత్త సినిమా!

Related Articles

Latest Articles