మూడు భాగాలుగా కళ్యాన్ రామ్ “బింబిసారా”?

యంగ్ హీరో నందమూరి కళ్యాణ్ రామ్ నటిస్తున్న తాజా చిత్రం “బింబిసారా”. ఈ భారీ బడ్జెట్ మూవీలో కేథరిన్ ట్రెసా, సంయుక్త మీనన్ హీరోయిన్లుగా నటిస్తున్నారు. ఈ చిత్రంతో మల్లిడి వశిస్ట్ దర్శకుడిగా పరిచయం అవుతున్నారు. ఎన్టిఆర్ ఆర్ట్స్ బ్యానర్ క్రింద హరికృష్ణ కె ‘బింబిసారా’ నిర్మిస్తున్నారు. చిరంతన్ భట్ స్వరాలు సమకూరుస్తున్నారు. నటసార్వభౌమ ఎన్టీఆర్ జయంతి సందర్భంగా ఈ సినిమా టైటిల్ ను ప్రకటించారు మేకర్స్. ఇది కళ్యాణ్ రామ్ కు 18వ చిత్రం. కత్తిని పట్టుకుని కళ్యాణ్ రామ్ సరికొత్త లుక్ లో, గెటప్ లో కన్పించి అభిమానులను సర్ప్రైజ్ చేశాడు. మృతదేహాల సమూహంపై కూర్చుని ఉన్న కళ్యాణ్ మేక్ఓవర్ సినిమాపై అంచనాలను పెంచేసింది. టైం ట్రావెల్ లైన్ తో తెరకెక్కనున్న ఈ సోషల్ ఫాంటసీలో భారీ విఎఫ్ఎక్స్ తో ప్రేక్షకులకు మంచి థ్రిల్ కలిగించనున్నారు. అయితే తాజా సమాచారం ప్రకారం ఈ చిత్రం మూడు భాగాలుగా తెరకెక్కుతోందట. మొదటి భాగం షూటింగ్ పూర్తయ్యే దశలో ఉంది. ఇది ఈ సంవత్సరం చివర్లో లేదా వచ్చే ఏడాది ప్రారంభంలో బిగ్ స్క్రీన్లలోకి రానుంది. ఆ తరువాత మిగతా రెండు భాగాల చిత్రీకరణ ప్రారంభమవుతుంది. ఈ చిత్రం కళ్యాణ్ రామ్ కెరీర్‌లో అత్యంత ప్రతిష్టాత్మక భారీ బడ్జెట్ చిత్రం. నిర్మాతలు ఈ ప్రాజెక్ట్ కోసం భారీగా ఖర్చు చేస్తున్నట్టు తెలుస్తోంది. ఈ చిత్రం కళ్యాణ్ రామ్ ఎలాంటి ఫలితాన్ని ఇస్తుందో చూడాలి మరి.

-Advertisement-

Related Articles

- Advertisement -

Latest Articles

-Advertisement-