బాలయ్య ‘అఖండ’ లిరికల్ సాంగ్ వచ్చేస్తుంది

నందమూరి బాలకృష్ణ, బోయపాటి శ్రీను కాంబినేషన్ లో వస్తున్న చిత్రం ‘అఖండ..’ ఇదివరకే వీరిద్దరి కాంబినేషన్ లో ‘సింహా’, ‘లెజెండ్’ వంటి హిట్ సినిమాలు రాగా.. హ్యట్రిక్ చిత్రంగా వస్తున్న ‘అఖండ’పై నందమూరి అభిమానులకు భారీ అంచనాలు ఉన్నాయి. బాలయ్య సరసన ప్రగ్యా జైస్వాల్ హీరోయిన్ గా నటిస్తోంది. పూర్ణ ఒక ముఖ్యమైన పాత్రలో కనిపించనుంది. ఇప్పటికే విడుదలైన ఈ చిత్ర టీజర్ ప్రేక్షకుల నుంచి మంచి రెస్పాన్స్ అందుకుంది. ఇక ఈ సినిమా కోసం ఆసక్తిగా ఎదురు చూస్తున్న అభిమానులకు చిత్రబృందం సర్ ప్రైజ్ ఇచ్చింది. అఖండ మొదటి పాట ‘అడిగా.. అడిగా..’ లిరికల్ వీడియో సాంగ్ ను రేపు సాయంత్రం 5:33 నిమిషాలకు విడుదల చేయనున్నారు. ఎస్.ఎస్.తమన్ ఈ సినిమాకి సంగీతాన్ని అందిస్తున్నారు. ద్వారకా క్రియేషన్స్ పతాకంపై మిరియాల రవీందర్ రెడ్డి ఈ సినిమాను నిర్మిస్తున్నారు. త్వరలోనే షూటింగ్ ముగించుకొన్న ఈ చిత్రం.. విడుదల తేదీని ప్రకటించే అవకాశం కనిపిస్తోంది.

Image
-Advertisement-బాలయ్య ‘అఖండ’ లిరికల్ సాంగ్ వచ్చేస్తుంది

Related Articles

Latest Articles