చైనాలో ఘోర అగ్ని ప్రమాదం…9 మంది మృతి

ప్రపంచవ్యాప్తంగా అగ్ని ప్రమాదాలు భారీ నష్టాన్ని, ప్రాణ నష్టాన్ని కలిగిస్తున్నాయి. చైనాలో ఆదివారం భారీ అగ్ని ప్రమాదం చోటు చేసుకుంది. భూగర్భ ప్రాంతంలో చోటు చేసుకున్న అగ్నిప్రమాదంలో 9 మంది మృతి చెందినట్లు స్థానిక మీడియా తెలిపింది. ఈశాన్య చైనాలోని డాలియన్‌ సిటీలోని మార్కెట్‌ దిగువన ఉన్న అండర్‌ గ్రౌండ్‌లో ఈ ప్రమాదం జరిగిందని తెలుస్తోంది.

ఈ ప్రమాదంలో అనేక మంది గాయపడినట్లు తెలుస్తోంది. మృతుల సంఖ్య పెరగవచ్చని అంటున్నారు. గాయపడ్డ కార్మికులను చికిత్స నిమిత్తం ఆస్పత్రికి తరలించారు. మంటలు భారీగా వ్యాపించడంతో సమాచారం అందుకున్న అగ్నిమాపక సిబ్బంది హుటాహుటిన ఘటన స్థలానికి చేరుకుని మంటలను ఆర్పేందుకు ప్రయత్నించారు. ప్రమాదానికి గల కారణాలపై అధికారులు విచారిస్తున్నారు.

Related Articles

Latest Articles