ట్రెండింగ్ లో “పాగల్” సింగిల్స్ స్పెషల్ సాంగ్

మాస్ కా దాస్ విశ్వక్ సేన్ హీరోగా నటిస్తున్న తాజా చిత్రం ‘పాగల్’. జూన్ 2న ఈ చిత్రం నుంచి ‘ఈ సింగిల్ చిన్నోడే’ లిరికల్ వీడియో సాంగ్ ను స్పెషల్ గా సింగిల్స్ కోసమే అంటూ విడుదల చేశారు. బెన్నీ దయాల్ ఆలపించిన ఈ సాంగ్ కు కృష్ణ కాంత్ లిరిక్స్ అందించారు. రధన్ ఈ చిత్రానికి సంగీతం అందిస్తున్నారు. ఈ సాంగ్ ప్రస్తుతం యూట్యూబ్ లో ట్రెండ్ అవుతోంది. అంతేకాదు విడుదలైన అతి తక్కువ సమయంలోనే 1 మిలియన్ వ్యూస్ సాధించడం విశేషం. ఈ సాంగ్ యూత్ ను బాగా అట్ట్రాక్ట్ చేస్తోంది. ముఖ్యంగా సింగిల్స్ బాగా కనెక్ట్ అవుతున్నారు. ఇక ఇప్పటికే విడుదలైన టీజర్ లో విశ్వక్ ఫ్రెష్ లుక్ కు అమ్మాయిలు కూడా ఫిదా అయిపోయారు. దీంతో సినిమాపై అంచనాలు కూడా పెరిగిపోయాయి. ఈ చిత్రంలో విశ్వక్ సరసన నివేదా పేతురాజ్ హీరోయిన్ గా నటిస్తుండగా సిమ్రాన్ చౌదరి ఒక కీలక పాత్రలో కనిపించనుంది. ఈ యూత్ ఫుల్ ఫుల్ యాక్షన్ ఎంటర్టైనర్ కు నరేష్ కుప్పిలి దర్శకత్వం వహిస్తున్నారు. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ చిత్రాన్ని సమర్పిస్తున్నారు. బెక్కం వేణుగోపాల్ ఈ చిత్రాన్ని నిర్మిస్తున్నారు. కరోనా మహమ్మారి కారణంగా ఈ సినిమా విడుదల తేదీ వాయిదా పడింది. మీరు కూడా ‘ఈ సింగిల్ చిన్నోడే” లిరికల్ సాంగ్ పై ఓ లుక్కేయండి మరి.

-Advertisement-

Related Articles

- Advertisement -

Latest Articles

-Advertisement-