బోల్డ్ కంటెంట్ తో ‘దొరకునా ఇటువంటి సేవ’!

సందీప్ పగడాల, నవ్య రాజ్ జంటగా రామచంద్ర రాగిపిండి దర్శకత్వంలో దేవ్ మహేశ్వరం నిర్మిస్తున్న సినిమా ‘దొరకునా ఇటువంటి సేవ’. ఏ డేంజరస్ ఫ్యామిలీ గేమ్… అనేది ఉప శీర్షిక. వెంకీ ద‌డ్‌బ‌జ‌న్‌, టి.ఎన్.ఆర్, రవివర్మ, అపూర్వ, నక్షత్ర, బేబీ వీక్ష, మాస్టర్ రిత్విక్ రెడ్డి ఈ చిత్రంలో ప్రధాన పాత్రలు పోషించారు. ఈ మూవీ గురించి దర్శకుడు రామచంద్ర మాట్లాడుతూ, ”ఒక మంచి విషయం చెబుతూ మంచి సినిమా తీయడం చాలా సులభం. సమాజంలో జరిగే చెడు విషయాలను ప్రశ్నిస్తూ, మంచి సినిమా తీయడం చాలా కష్టం. ప్రస్తుతం సమాజంలో అక్రమ సంబంధాల నేపథ్యంలో జరిగే నేరాలు విపరీతంగా పెరిగాయి. ప్రతి పదిమందిలో ఏడుగురు అక్రమ సంబంధాలు ఇష్టపడుతున్నారని ఓ సర్వేలో తేలింది. క్షణికానందం కోసం ఎవరైనా అడ్డొస్తే చంపేస్తున్నారు.

Read Also : “లైగర్” దూకుడు… అప్డేట్స్ కోసం మేకర్స్ సన్నాహాలు

ఈ నేపథ్యంలో కథతో ప్రేక్షకులకు నచ్చే విధంగా ‘ఈ రోజుల్లో, బస్ స్టాప్, గుంటూరు టాకీస్, ఆర్ఎక్స్ 100’ సినిమాల తరహాలో వాటికి భిన్నమైన కంటెంట్‌తో ‘దొరకునా ఇటువంటి సేవ’ మూవీని తెరకెక్కించాను” అని అన్నారు. నిర్మాత దేవ్ మహేశ్వరం మాట్లాడుతూ, ”ఎవరూ ధైర్యం చేయలేని కొత్త కథాంశాలను బోల్డ్‌గా, బ్యాలెన్స్డ్‌గా తెరకెక్కించినప్పుడు ఆ సినిమాలు తప్పకుండా విజయం సాధిస్తాయని ఎన్నో చిత్రాలు నిరూపించాయి. ప్రేక్షకులకు నచ్చే అంశాలు ఉన్నప్పుడు పెద్ద సినిమాల మధ్య వచ్చినా విజయం అందిస్తారని డిసెంబర్ 10న మా సినిమాను థియేటర్లలో విడుదల చేస్తున్నాం” అని అన్నారు. స్క్రీన్ మ్యాక్స్ పిక్చర్స్ ఈ సినిమాను ప్రపంచవ్యాప్తంగా విడుదల చేయబోతోంది.

Related Articles

Latest Articles