కేసీఆర్‌ రాజకీయ వారసుడు ఆయనే..!

తెలంగాణ సీఎం కేసీఆర్‌ రాజకీయవారసుడిపై అప్పడప్పుడు చర్చ తెరపైకి వస్తూనే ఉంటుంది… ఏ ఎన్నికలు వచ్చినా.. ఇదిగో ఈ ఎన్నికల తర్వాత కాబోయే సీఎం కేటీఆరే నంటూ విమర్శలు వచ్చిన సందర్భాలు ఎన్నో.. ఇక, అంతా అయిపోయేది.. కేటీఆర్‌ సీఎం అవుతున్నారంటూ ప్రచారం సాగిన సందర్భాలు అనేకం.. మరికొందరు కేసీఆర్‌ రాజకీయ వారసుడు ఆయన మేనల్లుడు హరీష్‌రావు అనేవారు లేకపోలేదు.. కేటీఆర్‌ కంటే హరీష్‌రావు సీనియర్‌ అని వాదించేవారు కూడా ఉన్నారు. అయితే, కాంగ్రెస్‌ పార్టీ ఎమ్మెల్యే జగ్గారెడ్డి.. మరోసారి కేసీఆర్‌ వారసుడి ఇష్యూను తెరపైకి తెచ్చారు.. కేసీఆర్‌కి రాజకీయ వారసుడు కేటీఆరే అవుతాడన్న ఆయన.. అల్లుడు కాడు కదా వారసుడు..? అని ప్రశ్నించారు..

మరోవైపు జీహెచ్‌ఎంసీ ఎన్నికల సమయంలో రూ.10 వేలు ఇచ్చినట్టు… రాష్ట్రమంతా వర్షాలు వస్తున్నాయి కాబట్టి.. రాష్ట్ర వ్యాప్తంగా వర్షంతో నష్టపోయినవారికి రూ.10 వేల చొప్పున ఇవ్వాలని డిమాండ్‌ చేశారు జగ్గారెడ్డి.. పంట నష్టపోయిన రైతుకు ఎకరాకు రూ.10 వేలు ఇవ్వాలని కోరిన ఆయన.. వర్షంతో రాష్ట్రం అతలాకుతలం అవుతుంటే.. సీఎం ఢిల్లీలో ఉన్నారని మండిపడ్డారు.. రాష్ట్రంలో కలెక్టర్లు ఉన్నారా..? అని ప్రశ్నించిన జగ్గారెడ్డి.. కలెక్టర్లు ఎమ్మెల్యేలకే దొరకడం లేదు అని విమర్శించారు. కలెక్టర్ కార్యాలయాలు బూతు బంగలాలు అయ్యాయంటూ మండిపడ్డారు.

Related Articles

Latest Articles

-Advertisement-