“అఖండ” రిలీజ్ డేట్ ఫిక్స్… యంగ్ హీరోకు షాక్

కరోనా సెకండ్ వేవ్ తరువాత పెద్ద సినిమాలన్నీ వరుసగా విడుదలకు సిద్ధమయ్యాయి. ఈ మేరకు రిలీజ్ డేట్లను కూడా ప్రకటించాయి. అయితే సీనియర్ హీరోల చిత్రాలైన ఆచార్య, అఖండ మాత్రం ఇంకా విడుదల తేదీలను ఖరారు చేయలేదు. అయితే తాజాగా జరుగుతున్న ప్రచారం ప్రకారం “అఖండ” అక్టోబర్ 13న విడుదలకు సిద్ధమవుతోందని తెలుస్తోంది. “ఆర్ఆర్ఆర్” ఇప్పటికే ఈ డేట్ ను లాక్ చేసినప్పటికీ ఆ సినిమా వాయిదా పడే అవకాశం ఉంది. కాబట్టి బాలయ్య అదే రోజున రావడానికి సిద్ధమయ్యాడని టాక్. మరోవైపు చిరంజీవి “ఆచార్య”తో అక్టోబర్ 13న రాబోతున్నాడనే వార్తలు కూడా వచ్చాయి. కానీ చిరు, కొరటాల తమ సినిమా రిలీజ్ కోసం మరింత సమయం తీసుకోనున్నారట. ఇప్పుడు క్రిస్మస్‌ను మంచి సీజన్‌గా భావిస్తున్నారు. అందులో బాలయ్య, బోయపాటి దసరా కానుకగా “అఖండ”ను ప్రేక్షకుల ముందుకు తీసుకురాబోతున్నారు. నిజానికి విజయదశమి “అఖండ”కు కలిసొచ్చే అంశమే. త్వరలోనే ఈ సినిమాపై అధికారిక ప్రకటన వచ్చే అవకాశం ఉంది.

Read Also : 50 ఏళ్ళ ‘మోస‌గాళ్ళ‌కు మోస‌గాడు’

అయితే “అఖండ” రిలీజ్ విషయం మరో యంగ్ హీరోకు షాక్ అని చెప్పొచ్చు. అక్కినేని అఖిల్ సినిమాను “మోస్ట్ ఎలిజిబుల్ బ్యాచిలర్”ను అంతకు ఒకరోజు ముందుగా అంటే అక్టోబర్ 12న విడుదల చేయడానికి సిద్ధమయ్యారు. ఒకరోజు గ్యాప్ లో అఖిల బాలయ్యతో పోటీ పడడం ఆలోచించాల్సిన విషయం అంటున్నారు. అఖిల్ కు కెరీర్ మొదటి నుంచి ఒక్క బ్లాక్ బస్టర్ హిట్ కూడా పడలేదు. దాని కోసమే తపన పడుతున్నాడు. అందుకే వరుస సినిమాలను లైన్లో పెట్టి హిట్ కోసం తీవ్రంగా శ్రమిస్తున్నాడు. “అఖండ” టీజర్ సోషల్ మీడియాలో సునామి సృష్టించింది. “మోస్ట్ ఎలిజిబుల్ బ్యాచిలర్”పై అంచనాలు బాగానే ఉన్నాయి. మరి ఇలాంటి సమయంలో అఖిల్ తన సినిమాకు ఎలాంటి రెస్పాన్స్ అందుకుంటాడో చూడాలి.

-Advertisement-"అఖండ" రిలీజ్ డేట్ ఫిక్స్… యంగ్ హీరోకు షాక్

Related Articles

Latest Articles